ЯАМДЫН ШИНЖЛЭХ УХААН, ТЕХНОЛОГИЙН ЗӨВЛӨЛ
- Нүүр хуудас
- ЯАМДЫН ШИНЖЛЭХ УХААН, ТЕХНОЛОГИЙН ЗӨВЛӨЛ
Монгол Улсын Засгийн газраас сүүлийн жилүүдэд шинжлэх ухаан, технологи, инновацийн салбарт анхаарал хандуулж, “Төрөөс шинжлэх ухаан, технологийн талаар баримтлах бодлогын хэрэгжилтийг эрчимжүүлэх тухай” Засгийн газрын 2019 оны 379, “Шинжлэх ухаан, технологийн салбарт авч хэрэгжүүлэх зарим арга хэмжээний тухай” Засгийн газрын 299 дүгээр тогтоолыг тус тус батлан хэрэгжүүлж байгаа нь салбарын шинэчлэлийг эрчимжүүлэхэд чухал ач холбогдолтой арга хэмжээ болсон.
Засгийн газрын 2019 оны 299 дүгээр тогтоолоор өгсөн үүрэг даалгавар, Шинжлэх ухаан, технологийн үндэсний зөвлөлийн 2022 оны 01 дүгээр сарын 24-ний өдрийн хурлаас гаргасан зөвлөмжөөр 2022 онд ШУТҮЗ болон яамдын Шинжлэх ухаан, технологийн зөвлөлийн үйл ажиллагааны уялдааг хангах, аймаг, нийслэлд Шинжлэх ухаан, технологийн зөвлөлийг байгуулахад нь дэмжлэг үзүүлж ажиллахыг Шинжлэх ухаан, технологийн үндэсний зөвлөлийн нарын бичгийн даргад даалгасан.
Иймд Шинжлэх ухаан, технологийн тухай хуулийн 5.2, 9.2-т тус тус заасны дагуу Шинжлэх ухаан, технологийн 16 салбар зөвлөлүүд байгуулагдаж, үйл ажиллагаагаа тогтмолжуулан, шинжлэх ухаан, технологи, инновацийн талаар төр, засгаас авч хэрэгжүүлж байгаа шинэчлэлийн бодлого, шийдвэрийн хэрэгжилтийг яамдын түвшинд тус тус ханган ажиллаж байна.
